Od zgora (po)gledano: Štajon od pusta, maškar, zvončari i sexa…

maska_zvoncar

Piše: Pepina Matujska

Ča je boje?

Štajon je od pusta, maškar, zvončari. Ma i od sexa. Od tega je vavek.

Nekako gledajuć ti muški kada zvonci nose, pitan se ča njin se vidi?! Ča jih temu privlači? Zač se jutro rano stanu, obuču se va robu, ogrnu kožu, na glavu stave klobuk s kega njin cel dan šparožina, al iglice od borića za vrat padaju!? Al pak nose na glave onu maškaru, ka sigurno ni lahka. Teh ki maškaru nose, morda još i razumen, njih mot malo podsjeća na onu pjesmu od Staraja: “nutra-van”, pak ala. To j’ sigurno to. Ma njih nismo anketirali. Oni nas ne interesiraju.

Anketa je provedena na uzorke od 50 punoljetneh muškeh nasumično zibraneh z područja općini Matulji, keh je anketirala nepristrana djelatnica renomirane tvrtke registrirane za obavljanje te djelatnosti. Naravno, neki put je morala i do kasno vane ostat, ki put je i popila, a dva puta njoj se j’ le dogodilo i da je puhala. Va alkotest, ne na ono na ča ste vi pomisleli, al baren to ni bilo va službenen izvještaje.

Rezultati anketi zgledaju ovako:

1. Ste zvončar (va obzir se j’ zimalo i oneh ki više ne nose, ma su zvonci oprtili baren jedanput, ča po mane ni baš korektno, aš dva put je dva put – 45 njih je odgovorilo da je,
a četiru od njih da ni. Jedan je rekal: htio b’biti, al niko m’nije iz ovog kraja, pa tražim neku doomaću koja bi se udala z’mene.

Opaska nepristrane djelatnice: ovaj jedan je tako dosadan. Nije zvončar, ali zna nabrojati svu zvončarsku opremu od svih skupina. Čak i izraze na žejanskom. Možda da mu ipak nekako pomognemo i pronađemo “neku domaću”. Zaslužio je.

2. Ste seksualno aktivni?

Njih 44 je,
a lih pet ni.
Jedan je rekal ovako: mala moja je’s ti domaća? Ak’ jesi ja ti se odmah aktiviram

Opaska nepristrane djelatnice: ovih pet je nakon što su negativno odgovorili, počelo sa izmotavanjima tipa: kao nisam dobro razumio pitanje, možete mi ponoviti i sl. Ali mi profesionalci iz renomirane tvrtke, kao pravi odgovor uzimamo samo onaj koji je izrečen odmah po postavljanju istog.

3. Koliko imate let?

Od 18 – 25 njih 7,
od 26 – 32 njih 10,
od 33 – 40 njih 11,
od 41 – 50 njih 12,
od 51 – 60 njih 3, a
više od 60 ima njih 7.

Opaska nepristrane djelatnice: pomnim proučavanjem utvrdili smo da niti jedan od ispitanika nije pokušao sakriti svoje godine i “ubaciti” se u nižu dobnu skupinu ili se pak prikazati starijim.

4. Zač nosite zvonci?

– Aš to volin je reklo njih 40
– To su i moj otac i nono delali reklo je šest od njih
– da se ne zatare užanca rekal je jedan
– Ma radi ženskeh, si govore da se one pale na zvončari, ma mi ni još upalilo. Još san mlad. Će, pomalo… Je rekal jedan
– A ni sam ne znan ča me tira na to je rekal jedan
– To mi je najboji ulet: mala, si videla kako zvonci nosin? Pun san moći, aj ča bin ti sada delal…. Rekal je jedan

Opaska nepristrane djelatnice: pusta obećanja. Čim se ukrcao u auto, zaspao je i počeo hrkati. Sve moje inicijative i pokušaji nisu urodili plodom. Čak sam s njim dočekala zoru, ali pokušavajući ga probuditi i izbaciti iz vozila.

5. Prema Vašen mišljenjen, ča je boje, sex al nosit zvonci?

Onaj jedan je trdo mučal.
Njih pet je reklo da je zvonci nosit – top!!!
Drugi 44 su rekli da je najboje jedno i drugo i to isti dan. Prej i potle zvonci, a ako je prilika i mej ten, to da onda spada va kategoriju neprocjenjivo…

Opaska nepristrane djelatnice: proučavajući tradicionalne pohode zvončara sa područja Kastavštine i vrijeme koje provode u pohodu, kolu, iću i piću, težinu opreme, umor i sl. čini mi se da odgovori nisu točni niti korektni i da nikako ne spadaju u kategoriju neprocjenjivo, nego u kategoriju nemoguće ili SF.

Se ovo dobiveno još vavek ni dalo konkretan odgovor na naše pitanje. Zato van dragi čitatelji prepušćan na voju da sami zaključite kako ćete, aš to i obično tako delate, a ja gren daje, va nove pobjedi i nove anketi, z vami, al bez vas….veselit se onemu ča najviše volin…

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net